ពិព័ណ៏សៀវភៅថា្នក់ជាតិលើកទី៥ឆ្នាំមានលក្ខណះនៅត្រឹងមិនខុសពីឆ្នាំមុនៗឡើយ

 អត្ថបទដោយ​: CamNews

(ភ្នំពេញ): ​ពិព័ណ៏សៀវភៅថ្នាក់ជាតិលើកទី៥ ប្រចាំឆ្នាំ២០១៦នេះ​ ដែលនឹងប្រព្រឹត្តឡើងរយ:ពេល៣ថ្ងៃ ចាប់ពីថ្ងៃទី២ ដល់ថ្ងៃទី៤ ខែធ្នូនេះ ដែលប្រព្រឹតឡើងនៅបណ្ណាល័យជាតិ។ មានការចូលរួមដោយវាគ្មិនល្បីៗ សុទ្ធតែជាអ្នកនិពន្ធសៀវភៅល្បីៗជាច្រីនរូប ក្រោមប្រធានបទ «បង្កើនការអាន និងបង្កើតការសរសេរ»។ បើតាមគណ:កម្មការរៀបចំពិព័ណ៏ជាតិបានឲ្យដឹងថាមានការដាក់ស្តង់ពិព័ណ៏សៀវភៅជាង៥០ស្តង់ដែលមកពីបណ្ណាល័យ និងគ្រឹះស្ថាននានា។

លោឯកឧត្តម ខៀវ កាញារិទ្ធ ដែលជារដ្ឋមន្ត្រីក្រសួងព័ត៌មាន មានប្រសាសន៏ថា​ ដោយបច្ចុប្បន្ននេះសង្កេតឃើញថាខ្វះអ្នកលើកទឹកចិត្តអ្នកនិពន្ធ ដើម្បីជួយបង្កើននូវអ្នកសរសេរឲ្យកាន់តែច្រើនទាល់តែសមាគមន៏អ្នកនិពន្ធក៏ដូចជាសមាគមន៏បណ្ណាគារ និងគ្រឹះស្ថានបោះពុម្ពផ្សាយមានកិច្ចពិភាក្សារកផ្លូវរួមគ្នា ។​ ហើយលោកបន្តទៀតថា ការបោះពុម្ពសៀវភៅក្នុងប្រទេសកម្ពុជាមិនចាញ់ការបោះពុម្ពសៀវភៅនៅប្រទេសគេទេ ហើយមានតម្លៃថោកល្អទៀតផង។

 ហើយលោកនឹងបន្តការងារមួយនេះដើម្បីជំរុញលើកទឹកចិត្តដល់អ្នកអាន និងអ្នកនិពន្ធបន្តការអាន​ និងបង្កើតការយល់ដឹងក្នុងការសរសេរសៀវភៅដើម្បីឲ្យយុវជនទទួលបានចំណេះដឹងថ្មីៗបន្ថែមទៀត។

លោកឯកឧត្តម ពុយ គា ដែលជាអតីតអ្នកកាសែត និងជាអ្នកនិពន្ធមួយរូប លោកមានប្រសាសន៏ថា​​ យុវជននៅមានកម្រិតនៅឡើយក្នុងការអានសៀវភៅ ដូច្នេះលោកទាមទារឲ្យស្ថាប័នពាក់ព័ន្ធ ជាសិស្ស និងជាគ្រូបង្រៀន ត្រូវពញ្ញាក់អារម្មណ៏អោយសិស្សនិស្សិតបន្តមកការអានឡើងវិញ។

ហើយលោកក៏បន្តទៀតថា ឆ្នាំនេះនៃចំនួនអ្នកអានមានលក្ខណះនៅត្រឹងមិនជាការកើនខ្លាំង ក៏មិនជាថយប៉ុន្មានដែរ ទិវានេះបានជំរុញអោយយុវជនងើកត្រឡប់មកការអានជាជាងការប្រើស្មានហ្វូន។ ហើយលោកបានលើកឡើងថាអ្នកដែលចូលចិត្តការអាន និងការសរសេរមានប្រយោជន៏ច្រើន ហើយជីវិតមិនបរាជ័យ មានន័យថាមិនអាចក្រលំបាក។​​

លោកក៏បន្ថែមទៀតថា លោកនៅតែបន្តខិតខំប្រមូលសប្បុរសជនដើម្បីកសាងបណ្ណាល័យនិងជួយបោះពុម្ពសៀវភៅចែកជូនសិស្សានុសិស្ស និងនិស្សិតគ្រប់ៗរូប។

ដូច្នេះជារួមមក គ្រប់បណ្តាស្ថាប័នទាំងអស់រៀបចំព្រឹត្តការណ៏នេះគ្រាន់តែលើកកម្ពស់សា្មរតីយុវជនជំនាន់ក្រោយមានទឹកចិត្តក្នុងការអាន និងការសរសេរបានកាន់តែច្រើនដើម្បីឲ្យគំនិតកាន់តែវែងឆ្ងាយនិងយល់ពីសង្គមច្បាស់លាស់។